अहिंसा-सद्भावना शांती यात्रा, जयंती कार्यक्रम आणि ‘स्वच्छता ही सेवा’ उपक्रम उत्साहात
जळगाव : शिक्षण प्रसारक मंडळ संचालित शेठ ला. ना. सा. विद्यालयात राष्ट्रपिता महात्मा गांधी व माजी पंतप्रधान लालबहादूर शास्त्री यांच्या जयंतीनिमित्त शासन निर्देशित ‘सेवा संकल्प अभियान’ अंतर्गत विविध उपक्रम उत्साहात पार पडले. यावेळी अहिंसा-सद्भावना शांती यात्रा, जयंती कार्यक्रम तसेच ‘स्वच्छता ही सेवा’ अभियान राबविण्यात आले.
गांधी रिसर्च फाउंडेशनच्या वतीने आयोजित अहिंसा-सद्भावना शांती यात्रेत विद्यालयाचे एनसीसी पथक व मार्गदर्शक शिक्षक श्रीकांत घुगे सहभागी झाले. त्यानंतर झालेल्या जयंती कार्यक्रमात मुख्याध्यापक सचिन देशपांडे, उपमुख्याध्यापक संजय वानखेडे, पर्यवेक्षक रमा तारे, जगदीश साळुंखे तसेच गांधीजी व शास्त्रीजींची वेशभूषा केलेले विद्यार्थी जय सोनवणे व कुणाल साखरे यांच्या हस्ते प्रतिमांना पुष्पहार अर्पण करण्यात आला.
विद्यार्थ्यांनी मराठी व इंग्रजी भाषेत भाषणे आणि कवितांद्वारे गांधीजी व शास्त्रीजींच्या जीवनकार्याची माहिती दिली. सत्य, अहिंसा, सर्वधर्मसमभाव, मानवता, स्वावलंबन, देशनिष्ठा, प्रामाणिकपणा व साधेपणा या मूल्यांचा संदेश यावेळी देण्यात आला. शिक्षक पद्मजा जोशी व पांडुरंग सोनवणे यांनी ‘वैष्णव जन तो’ हे भजन सादर केले.
उपमुख्याध्यापक संजय वानखेडे यांनी महात्मा गांधी व लालबहादूर शास्त्री यांच्या विचारांचे अनुकरण करण्याचे आवाहन केले. अध्यक्षीय भाषणात मुख्याध्यापक सचिन देशपांडे यांनी विद्यार्थ्यांनी विकसित भारताच्या निर्मितीत योगदान देण्याचे आवाहन केले.
إرسال تعليق