भवरखेडेत गुरे चोरांचा डाव फसला! दोन गाईंची सुटका

इम्पिरियल इंटरनॅशनल स्कूलमध्ये भारताचा ८० वा स्वातंत्र्य दिन आज अत्यंत उत्साहपूर्ण, देशभक्तीमय आणि दिमाखदार वातावरणात साजरा करण्यात आला.

पाळधी, जि. जळगाव :

या कार्यक्रमासाठी प्रमुख पाहुणे म्हणून सुप्रसिद्ध वकील श्री. अनिकेत निकम, तसेच श्री. स्वप्नील भांडारकर, श्री. समाधान पाटील आणि शाळेचे अध्यक्ष श्री. नरेश चौधरी यांची प्रमुख उपस्थिती लाभली.

कार्यक्रमाची सुरुवात ध्वजारोहण व राष्ट्रगीताने झाली. यानंतर विद्यार्थ्यांनी अत्यंत शिस्तबद्ध आणि दिमाखदार परेड सादर करून उपस्थितांची मने जिंकली. विद्यार्थ्यांनी सादर केलेले विविध देशभक्तीपर नृत्य, गीत आणि नाट्यप्रयोग हे कार्यक्रमाचे विशेष आकर्षण ठरले. विद्यार्थ्यांच्या अप्रतिम सादरीकरणातून देशप्रेम, राष्ट्रभक्ती आणि भारतीय संस्कृतीची सुंदर झलक पाहायला मिळाली.

प्रमुख पाहुणे वकील श्री. अनिकेत निकम ध्वजारोहण करताना 

प्रमुख पाहुण्यांनी आपल्या मार्गदर्शनपर मनोगतात विद्यार्थ्यांना स्वातंत्र्याचे महत्त्व, देशाप्रती असलेली जबाबदारी आणि एक जबाबदार नागरिक म्हणून राष्ट्रनिर्माणात योगदान देण्याचे आवाहन केले.

संपूर्ण कार्यक्रमाचे नियोजन शाळेतील शिक्षकवृंद व विद्यार्थ्यांनी अत्यंत नियोजनबद्ध पद्धतीने केले. विद्यार्थ्यांचा उत्स्फूर्त सहभाग, शिस्तबद्ध परेड आणि देशभक्तीपर सांस्कृतिक कार्यक्रमांमुळे संपूर्ण परिसर ‘भारत माता की जय’ आणि ‘वंदे मातरम्’च्या जयघोषाने दुमदुमून गेला.

“स्वातंत्र्याचा अभिमान, राष्ट्रनिर्माणाचा संकल्प आणि देशभक्तीची भावना” या संदेशाने ८० वा स्वातंत्र्य दिन सोहळा उत्साहात आणि अविस्मरणीय वातावरणात संपन्न झाला.